Hareja- 10/07/2026
Trajner/e për kursin Art – Pikturë & Animacion
YALEC (Youth and Adult Learning and Education Center) Vushtrri shpall thirrje për angazhimin e një trajneri/eje për realizimin e kursit Art – Pikturë & Animacion, në kuadër të programeve të Arsimit dhe Edukimit të të Rriturve.
Detyrat dhe përgjegjësitë:
- Planifikimi dhe zhvillimi i programit të trajnimit.
- Mbajtja e sesioneve teorike dhe praktike në fushën e pikturës dhe animacionit.
- Përgatitja e materialeve mësimore.
- Vlerësimi i pjesëmarrësve dhe mbajtja e evidencës së vijueshmërisë.
- Hartimi i një raporti përfundimtar mbi realizimin e kursit.
Kualifikimet e kërkuara:
- Diplomë universitare në Art, Arte Figurative, Dizajn Grafik, Animacion ose fushë të ngjashme.
- Përvojë në mësimdhënie ose ofrim trajnimesh.
- Njohuri dhe aftësi praktike në pikturë dhe/ose animacion.
- Aftësi të mira komunikuese dhe organizative.
- Përvoja në punë me të rinj dhe të rritur do të konsiderohet përparësi.
Dokumentet e nevojshme:
- CV (Curriculum Vitae);
- Letër motivimi;
- Kopje e diplomës dhe certifikatave relevante;
- Dëshmi për përvojën profesionale (nëse ka).
Kohëzgjatja e angazhimit:
Angazhimi do të realizohet sipas planit të aktiviteteve të YALEC – Vushtrri dhe kontratës së nënshkruar me trajnerin/en e përzgjedhur.
Afati i aplikimit:
Të interesuarit mund të aplikojnë deri më 20 / 07 / 2026.
Aplikimet duhet të dërgohen në email: blerim@yalec.hareja.org / blerim81@hotmail.com ose të dorëzohen fizikisht në zyrat e YALEC – Vushtrri.
Vetëm kandidatët e përzgjedhur në listën e ngushtë do të kontaktohen për intervistë.
YALEC – Vushtrri inkurajon të gjithë kandidatët e kualifikuar të aplikojnë, pa dallim gjinie, moshe apo përkatësie.