Hareja- 01/09/2026
THIRRJE PËR ANGAZHIM TË TRAJNERIT/TRAJNEREs
Për Pilates dhe Yoga
YALEC – Vushtrri, në kuadër të aktiviteteve për promovimin e shëndetit, mirëqenies fizike dhe një stili aktiv të jetesës, shpall thirrje për angazhimin e një trajneri/trajnerje për Pilates dhe Yoga.
Detyrat kryesore:
- Përgatitja dhe realizimi i seancave të Pilates dhe Yoga;
- Hartimi i ushtrimeve të përshtatshme për pjesëmarrësit;
- Sigurimi i një ambienti të sigurt dhe pozitiv gjatë trajnimeve;
- Përshtatja e ushtrimeve sipas nivelit dhe nevojave të pjesëmarrësve;
- Pjesëmarrja dhe bashkëpunimi në aktivitetet e organizuara nga YALEC – Vushtrri.
Kriteret e përzgjedhjes:
Kandidati/ja duhet të plotësojë këto kritere:
- Diplomë universitare në Fakultetin e Edukimit Fizik dhe Sportit ose fushë të ngjashme;
- Trajnim/certifikim profesional në Pilates dhe/ose Yoga;
- Përvojë praktike në udhëheqjen e trajnimeve të Pilates dhe Yoga;
- Aftësi të mira komunikuese dhe organizative;
- Përgjegjësi, profesionalizëm dhe aftësi për të punuar me grupe;
- Përparësi do të kenë kandidatët me përvojë në punën me gra dhe vajza.
Dokumentet e kërkuara:
- CV;
- Kopja e diplomës;
- Certifikatat relevante për Pilates/Yoga;
- Dëshmi/reference për përvojën e punës, nëse posedon.
Mënyra e aplikimit:
Kandidatët e interesuar mund të aplikojnë duke dërguar dokumentet e kërkuara në: [blerim@yalec.hareja.org]
Afati për aplikim: deri me, 06/09/2026
YALEC – Vushtrri
Youth and Adult Learning and Education Center